Que é a I+D?
A I+D abarca todas as actividades metódicas e sistemáticas sobre unha base
de métodos científicos co labor de adquirir máis coñecementos reais e tamén
pode facer referencia, á investigación en ciencias aplicadas ou ben ciencia
básica utilizada para o desenvolvemento de enxeñería, que persegue coa unión de
ambas as áreas un incremento da innovación que leve un aumento nas vendas das
empresas.
Algún exemplo de iso?
~Huawei~
Huawei estivo aumentando os investimentos en innovación e en investigación
básica orientada ao futuro, e estivo alcanzando grandes logros na
fronteira de desenvolvemento das TIC para impulsar o desenvolvemento industrial
e o éxito dun modelo de negocio baseado nos avances tecnolóxicos.
No terreo das comunicacións móbiles de nova xeración, foron pioneiros en
innovación en 5G e contribuíron activamente ao desenvolvemento do sector.
En 2015:
No sector de centros de datos do futuro:
- Desenvolveron un marco de referencia de
simulación de rede de centro de datos a nivel 100k, cunha velocidade de
simulación de ata un nivel de 106 IPS.
- Desenvolveron un sistema de ficheiros
baseado en memoria non volátil, o primeiro sistema de ficheiros de memoria en
modo de usuario, e un sistema de clave-valor baseado en memoria non volátil,
cunhas prestacións que alcanzan a cifra de decenas de millóns de IOPS.
No sector de intelixencia artificial:
- Realizaron continuos avances en aprendizaxe
profunda, crearon o Sistema Neuronal de Respostas máis avanzado do sector, e
presentaron o primeiro modelo de xeración de diálogo dunha única quenda baseada
na funcionalidade de aprendizaxe profunda.
- Inventaron a tecnoloxía neuronal de
tradución automática baseada nun marco de referencia de memoria profunda, e
alcanzaron os resultados máis altos do mundo en prestacións en tradución
automática.
Na área de baterías anunciaron a súa tecnoloxía de carga rápida de nova
xeración. Unha batería cunha capacidade de 3.000 mAh pódese cargar ao 48% da
súa capacidade en cinco minutos, o que proporciona dez horas de conversación
cos teléfonos móbiles de Huawei.
Na área de vídeo, continuaron reforzando a investigación en tecnoloxías
básicas de comunicacións para conseguir unha mellor experiencia nas aplicacións
de vídeo de móbiles e de ultra alta definición. En concreto impulsaron a
aplicación de vídeo IP para proporcionar unha experiencia 4K de ultra alta
definición. Adoptando as normas H.265 e QDS (Quality Driven Streaming),
aumentaron a fluidez do vídeo en servizos de TV IP e OTT de 4K en máis do 60%.
O vídeo IP tamén proporciona vídeo de ultra alta definición a 1 Mbit/s para
servizos de vixilancia, o que promove dun modo efectivo o rápido despregamento
de servizos de vídeo 4K de ultra alta definición en redes en tempo real para
diferentes sectores industriais.
Cada ano, Huawei investiu en I+D máis do 10% dos seus ingresos dunha forma
continuada. En 2015, aproximadamente 79.000 empregados dedicábanse a I+D, o cal
supón o 45% do persoal total. O gasto de Huawei en I+D ascendeu a 59.607
millóns de renminbis en 2015, o que supón o 15,1% dos ingresos totais da
compañía. En cifras acumuladas investimos en I+D máis de 240.000 millóns de
renminbis durante a última década.
No hay comentarios:
Publicar un comentario