o novo Samsung Galaxy A

O novo Samsung Galaxy A:

A imaxe que podedes ver sobre estas liñas probablemente non sexa un render oficial do Samsung Galaxy A5 2018, nin tampouco do A3 nin do A7. De feito, é de esperar que falten aínda uns cuantos meses ata que podamos ver unha imaxe de boa calidade, que nos mostre o deseño deste trío de terminais de gama media de Samsung para o próximo ano.

Con todo, as filtracións e os rumores que coñecemos ata o momento, serviron á persoa encargada de deseñar a imaxe para plasmar toda a información que temos sobre os Galaxy A de 2018 nun render. Así, a pesar de non tratarse dunha imaxe oficial, esta podería ser a primeira vez que vemos como sería o deseño dos novos Samsung Galaxy A de nova xeración.

Co paso dos anos, Samsung foi aproveitando as últimas innovacións e características introducidas nas súas liñas de gama alta, para adoptalas na gama Galaxy A, máis alcanzable que os Galaxy S e Note. A principios deste ano 2017 vimos como os Galaxy A3, A5 e A7 recibían un importante lavado de fronte con respecto á última xeración, grazas a un corpo fabricado en cristal e resistente á auga. Estas dúas características, ata entón, eran exclusivas dos S7 e Note7.

-Baixo o nome de Galaxy A, Samsung comercializa dispositivos que aínda que baratos non son, tampouco chegan ao rango de prezo dun Galaxy S8 ou Galaxy Note8. Estes ofrecen prestacións máis contidas e non tan innovadoras como as da gama alta pero que se agradecen no seu rango de prezo. 

Álex Domínguez Fornos