Premio aos pioneiros da revolucionaria técnica CRISPR de edición xenética

Un español, unha francesa e unha norteamericana foron as persoas recoñecidas na novena edición do Premio Fundación BBVA Fronteiras do Coñecemento na categoría de Biomedicina. O seu mérito, impulsar a técnica de edición xenética coñecida como CRISPR , considerada toda unha revolución pola súa capacidade de modificar secuencias do xenoma de forma moi precisa, sinxela e barata, que se compara a cortar e pegar nun texto.

Os galardoados son Francisco Martínez Mojica, profesor de Microbiología da Universidade de Alacante; Emmanuelle Charpentier, directora do Instituto Max Planck de Bioloxía da Infección (Alemaña) e Jennifer Doudna, catedrática da Universidade de California.

A idea foi emprendida polas investigadoras Jennifer Doudna e Emmanuelle Charpentier, que demostraron con este artigo o potencial que tería para editar o xenoma das nosas células. En poucas palabras, a ferramenta CRISPR é unha tesoira molecular e á vez un pegamento, permite cortar a vontade no xenoma, e remplazar o fragmento extraido por un que previamente seleccionamos. O resultado será unha modificación no xenoma que terá como consecuencia un cambio na expresión, conseguindo así curar unha enfermidade, cambiar unha característica do individuo, potenciar algún proceso celular ou mesmo crear un individuo de cero ao noso gusto.

David Pérez Rodríguez 4ºA ESO